1311

... e inanzi che li inbasadori ritornassero dal papa, i vixentini e veronexi e mantoani e la zente de lo inperatore, con miser lo veschevo de Zeneda, se apresentò quando se dixeva le messe ben per tenpo, quando le porte fo averte la porta nuova vexentina, zoe la Savonarolla, [i visentini i quali erano] de fuora da la porta con grande chorso de chavalli [andarono] a la piaza per quella medexima porta ; puocho drio vene i veronexi e mantoani e la zente dello inperatore andò a la piaza dal podestà. E veramente si dito e creto ch'el dito podestà fose traditore del chomun de Padoa. E incontinente el dito podestà e la soa fameia se partì e si non ave nesun malle né despiaxere, e si dete el palazo ai diti inimixi, né nesuna defension fo fata, né sonà chanpana a martello, né a lo tore della porta, non pure quelli quatro che erano su la tore né pria né vereton non gitò. E vera mente quello guarditore da la porta alta se defendé quanto el poté con le prie, ma el fo inganà da un vixentino, el quale fe chalare el ponte levauro, non sapiendo la guarda ch'el traditore vegnisse, e se ive fosse sta le guarde e fato savere al podestà che quella zente vegniva, i non gie serave intrà senza so dano. E i diti intrò dentro dal muro de l'ixola. I pavani a [sarà] la porta. Inanzi la porta non vi era ponte levauro, ne fossa alguna, per mala previdenza di padoani e perché la guarda non amava el chomun ; neanche el comun nonm aveva noma doe balestre e XXX. Veretoni e poche prì grande, noma zinque cogoli de piena man, quando i piloti fo balestrà, e butà via le prie, i gie metè fuogo dentro in la porta, e vixentini sì andò a una altra porta e muralla de una poria solla, si che in uno sollo colpo butà via quella e si la mura. El chavaliere de podestà veramente, el quale si fo traditore, se rendé e si gietà el gonfalon del comun per terra, el qualle si fo trascinà per terra per tuta la via e non gie lasò bruxare la porta, perché i l'aprì...

G.FABRIS, Una relazione volgare inedita degli "Annales Patavini", "Atti e Memorie della Regia Accademia di Scienze, Lettere ed Arti in Padova", LV, 1938-1939, classe di scienze morali, pp. 23-61 ma ripubblicato in G.FABRIS, Cronache e cronisti padovani, Cittadella 1977, pp. 345-393, pp. 390-392.